Իբրահիմովիչը՝ Պոգբային. Ես անվճար եմ եկել Մանչեսթեր, իսկ նրանք գնել են քեզ
00:06 27 փետրվարի, 2017«Մանչեսթեր Յունայթեդի» շվեդ հարձակվող Զլատան Իբրահիմովիչն ու ֆրանսիացի կիսապաշտպան Պոլ Պոգբան մեկնաբանել են հաղթանակը «Սաութհեմփթոնի» նկատմամբ Անգլիական լիգայի գավաթի խաղարկության եզրափակիչում:
«Սա կարեւոր հաղթանակ է մեզ համար: Ես շատ ուրախ եմ: Ահա, թե ինչի համար ենք մենք գնել Իբրահիմովիչին: Նա վճռական խաղերում տարբերություն է ստեղծում»,- ասել է Պոգբան:
Ֆրանսիացու մեկնաբանությանն արձագանքել է Իբրահիմովիչը.
«Ինձ գնե՞լ են: Ես անվճար եմ տեղափոխվել, իսկ գնել են նրանք քեզ: Այս հաղթանակն ամբողջ թիմի ջանքն է: Հաղթելու համար եմ տեղափոխվել «Մանչեսթեր Յունայթեդ»: Երբ ծերանում ես, հաղթանակն ավելի թանկ է: Կարծում եմ՝ սա իմ 32-րդ տիտղոսն է կարիերայում: Վայելում եմ խաղս Անգլիայում»,- Իբրահիմովիչի խոսքը մեջբերում է BBC-ն:
Հիշեցնենք, որ «Մանչեսթեր Յունայթեդը» «Սաութհեմփթոնին» հաղթել է 3:2 հաշվով, իսկ Իբրահիմովիչը դարձել է դուբլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։