Հենրիխ Մխիթարյանը եւ Արթուր Ալեքսանյանն արժանացել են «Հայկյան» մրցանակի
19:43 25 փետրվարի, 2017Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնում տեղի է ունեցել «Հայկյան» մրցանակաբաշխությանը, որին ներկա է եղել Հայաստանի նախագահ Սերժ Սարգսյանը:
Ռիո-2016-ի հունահռոմեկան ոճի ըմբշամարտի օլիմպիական չեմպիոն Արթուր Ալեքսանյանին մրցանակ է շնորհվել սպորտի զարգացման գործում ունեցած նշանակալի ներդրման եւ նվիրումի համար, իսկ «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանին՝ հայկական ֆուտբոլի զարգացման գործում ունեցած մեծ ավանդի եւ հայկական սպորտի հանրահռչակման համար:
«Հայկյան» մրցանակաբաշխությունը նպատակ ունի բացահայտել եւ գնահատել այն անհատներին, կառույցներին, որոնք տարվա ընթացքում նշանակալի մասնակցություն են ունեցել երիտասարդության ոլորտում։ Հայաստանի երիտասարդական հիմնադրամի արդեն ավանդական դարձած «Հայկյան» մրցանակաբաշխությունն այս անգամ նվիրվել է ՀՀ զինված ուժերի կազմավորման 25-ամյակին, հայտնում են Նախագահի մամուլի ծառայությունից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։