«Արարատը» պարտվեց ռուսական «Արմավիրին»
21:17 24 փետրվարի, 2017«Արարատն» անցկացրեց իր երրորդ եւ վերջին ստուգողական հանդիպումը ձմեռային նախապատրաստական փուլի ընթացքում: Երեւանյան թիմը հանդիպեց Ռուսաստանի առաջնության երկրորդ դիվիզիոնի (ՊՖԼ) հարավային գոտում հանդես եկող «Արմավիր» ակումբի հետ, որն այս օրերին հավաք է անցկացնում Երեւանում, հաղորդում է fcararat-ը: Արմավիրը ներկայացնող թիմը գլխավորում է Արսեն Պապիկյանը:
«Արարատը» խաղը սկսեց հետեւյալ կազմով.
Արման Մելիքսեթյան, Արգիշտի Պետրոսյան, Ռաֆայել Սաֆարյան, Գեւորգ Պողոսյան, Վարդան Արզոյան, Յուրի Գարեգինյան, Դավիթ Գրիգորյան, Էդգար Մկրտչյան, Հովհաննես Փափազյան, Գեղամ Թումբարյան, Սարգիս Մեթոյան:
Հավասար խաղում մրցակիցը բացեց հաշիվը 55-րդ րոպեին: «Արմավիրի» իրացրած տուգանայինի արդյունքում Գոռ Պողոսյանը գնդակն անզգուշորեն ուղարկեց սեփական դարպասը:
Երկրորդ խաղակեսի ընթացքում «Արարատի» կազմում փոխարինման դուրս եկան Գոռ Պողոսյանը, Արամ Հովսեփյանը, Արեգ Ազատյանը, Դավիթ Ղանդիլյանը եւ Գարիկ Կիրակոսյանը, ովքեր փոխարինեցին, համապատասխանաբար, Հովհաննես Փափազյանին, Էդգար Մկրտչյանին, Դավիթ Գրիգորյանին, Վարդան Արզոյանին եւ Սարգիս Մեթոյանին:
Մարտի 4-ին «Արարատը» Հայաստանի Բարձրագույն խմբի առաջնության 18-րդ տուրում կընդունի «Շիրակին»:
Ստուգողական հանդիպում
«Բանանց» մարզաբազա
«Արարատ» (Երեւան, Հայաստան) - «Արմավիր» (Արմավիր, Ռուսաստան)` 0:1
Գոռ Պողոսյան, 55 (ինքնագոլ)
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.