Մոուրինյոն աջակցել է Ռանյերիին
13:44 24 փետրվարի, 2017«Մանչեսթեր Յունայթեդի» գլխավոր մարզիչ Ժոզե Մոուրինյոն աջակցություն է հայտնել իտալացի մասնագետ Կլաուդիո Ռանյերիին, որը նախօրեին հեռացվել էր Անգլիայի չեմպիոն «Լեսթերի» գլխավոր մարզիչի պաշտոնից:
«Անգլիայի չեմպիոնն ու ՖԻՖԱ-ի վարկածով տարվա լավագույն մարզիչը հեռացված է: Այդպիսին է ժամանակակից ֆուտբոլը, Կլաուդիո: Շարունակիր ժպտալ, ընկեր: Ոչ ոք չի ջնջի պատմությունը, որը դու ես գրել»,- Instagram-ում գրել է Մոուրինյոն:
Հիշեցնենք, որ իտալացի մասնագետը 2015-ի ամռանն էր գլխավորել «Լեսթերը», որը նախորդ մրցաշրջանում պատմության մեջ առաջին անգամ դարձավ Անգլիայի չեմպիոն: Այս մրցաշրջանում թիմը նորամուտը նշեց Չեմպիոնների լիգայում եւ խմբային փուլում գրավեց առաջին տեղը, իսկ 1/8 եզրափակիչի առաջին խաղում դրսում 1։2 հաշվով պարտվել է իսպանական «Սեւիլիային»: Անգլիայի առաջնության 25-րդ տուրից հետո լեսթերցիները 21 միավորով 17-րդ տեղում են:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.