Ադրբեջանի հավաքականը հրաժարվել է խաղալ Հայաստանի թիմի հետ

09:33   24 փետրվարի, 2017

Իրանում անցկացված սիրողական ֆուտզալի աշխարհի առաջնությունում Ադրբեջանի հավաքականը հրաժարվել է 5-6-րդ տեղերի համար խաղ անցկացնել Հայաստանի թիմի հետ: Այս մասին պատմել է հայկական թիմի մարզիչ Արթուր Նահապետյանը: Այդ մրցաշարում Հայաստանը ներկայացնում էր «Ֆուտզալ բիզնես լիգայի» հավաքականը:

«Մենք ի սկզբանե ղեկավարությանը տեղեկացրել էինք, որ խաղին պատրաստ ենք եւ ամբողջովին տրամադրված սպասել ենք մինչեւ այն պահը, երբ մեզ հայտնեցին, որ ադրբեջանական կողմը ինչ-ինչ պատճառներով հրաժարվել է մասնակցել խաղին»,- Արթուր Նահապետյանի խոսքը մեջբերում է «Ֆուտզալ բիզնես լիգայի» կայքը:

Հիշեցնենք, որ սիրողական ֆուտզալի աշխարհի առաջնությունում հայ ֆուտզալիսները ոչ ոքի էին խաղացել Իրանի հավաքականի հետ (4:4), 10:2 հաշվով հաղթել թուրքերին, 1:4 հաշվով պարտվել հունգարացիներին ու 3:2 հաշվով կամային հաղթանակ տարել Ճապոնիայի թիմի նկատմամբ:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։