Ֆուտբոլի Իսպանիայի առաջնության 16-րդ տուրից տեղափոխված խաղում Մադրիդի «Ռեալը» հյուրընկալվեց «Վալենսիային» եւ պարտություն կրեց 1:2 հաշվով: Արքայական թիմի համար անհաջող ստացվեց հանդիպման մեկնարկը: 10 րոպեում դաշտի տերերը երկու անգամ գրավեցին Կեյլոր Նավասի պաշտպանած դարպասը:
Մինչեւ ընդմիջում Զինեդին Զիդանի գլխավորած թիմը Կրիշտիանու Ռոնալդուի գոլի շնորհիվ կրճատեց տարբերությունը, սակայն երկրորդ խաղակեսում հաշվի մեջ փոփոխություն չգրանցվեց:
«Ռեալը» 22 խաղից հետո 52 միավորով գլխավորում է մրցաշարային աղյուսակը եւ 1 միավորի առավելություն ունի 23 հանդիպում անցկացրած «Բարսելոնայի» նկատմամբ:
Իսպանիայի առաջնություն, 16-րդ տուր
«Վալենսիա» - «Ռեալ»՝ 2:1
Սիմոնե Ձաձա, 4, Ֆաբիան Օրելիանա, 9 - Կրիշտիանու Ռոնալդու, 44
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։