Բրիտանական Mirror-ը ներկայացրել է ֆուտբոլի Անգլիայի գավաթի խաղարկության 1/8 եզրափակիչի խորհրդանշական հավաքականը՝ ընդգրկելով նաեւ «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանին:
«Հայ ֆուտբոլիստը շարունակում է ավելի մեծ դեր խաղալ «Մանչեսթեր Յունայթեդում»՝ ցուցադրելով բարձրակարգ խաղ: «Բլեքբերնի» դեմ խաղում Մխիթարյանի միայն գոլային փոխանցումն արդեն բավարար էր նրան խորհրդանշական հավաքականում ընդգրկելու համար, բայց նա ամբողջ հանդիպումն անցկացրեց գերազանց»,- գրում է պարբերականը:
Հիշեցնենք, որ «Մանչեսթեր Յունայթեդը» կամային հաղթանակ է տարել 2:1 հաշվով, իսկ Մխիթարյանը դարձել է տպավորիչ գոլային փոխանցման հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։