«Մանչեսթեր Յունայթեդի» եւ Անգլիայի հավաքականի նախկին կիսապաշտպան Օուեն Հարգրիվզը կարծիք է հայտնել, որ Հենրիխ Մխիթարյանը Ժոզե Մոուրինյոյի թիմի լավագույն ֆուտբոլիստն է:
«Ես Մխիթարյանին համարում եմ «Մանչեսթեր Յունայթեդի» լավագույն ֆուտբոլիստը: Նրան պարզապես տարածություն է հարկավոր, որպեսզի ցուցադրի իր կրեատիվությունը: Իբրահիմովիչը բացառիկ է, սակայն ես կարծում եմ, որ Մխիթարյանն ու Պոգբան են թիմի ապագան»,- Հարգրիվզի խոսքը փոխանցում է thepeoplesperson.com-ը:
Հիշեցնենք, որ նախօրեին «Մանչեսթեր Յունայթեդը» Անգլիայի գավաթի խաղարկության 1/8 եզրափակիչում 2:1 հաշվով հաղթել էր «Բլեքբերնին», իսկ Հայաստանի հավաքականի կիսապաշտպանն անցկացրել էր ամբողջ հանդիպումը եւ դարձել տպավորիչ գոլային փոխանցման հեղինակ: «Մանչեսթեր Յունայթեդի» պաշտոնական թվիթերյան էջի քվեարկությամբ Մխիթարյանը ճանաչվել էր նաեւ խաղի լավագույն ֆուտբոլիստ: Քառորդ եզրափակիչում Ժոզե Մոուրինյոյի թիմը կմրցի Պրեմյեր լիգայի առաջատար Լոնդոնի «Չելսիի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։