Իսպանիայի առաջնության 23-րդ տուրում չեմպիոն «Բարսելոնան» ընդունեց հետնապահներից «Լեգանեսին» եւ հաղթանակ տարավ 2:1 հաշվով: Արդեն չորրորդ րոպեին արգենտինացի Լիոնել Մեսին ուրուգվայցի Լուիս Սուարեսի փոխանցումից հետո բացեց հաշիվը, սակայն հետագայում կատալոնական թիմը չկարողացավ զարգացնել առավելությունը, իսկ հյուրերը 71-րդ րոպեին իրենց շանսը բաց չթողեցին՝ օգտվելով Սերխի Ռոբերտոյի սխալից: Նախավերջին րոպեին Լիոնել Մեսին դիպուկ իրացրեց 11 մետրանոցը, որը վաստակել էր բրազիլացի Նեյմարը:
«Բարսելոնան» 51 միավորով երկրորդ տեղում է եւ 1 միավոր է հետ երկու հանդիպում քիչ անցկացրած «Ռեալից»: «Լեգանեսը» 18 միավորով 17-րդ տեղում է:
Իսպանիայի առաջնություն, 23-րդ տուր
«Բարսելոնա» - «Լեգանես»՝ 2:1
Լիոնել Մեսի, 4, 89 - Ունաի Լոպես, 71
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։