Հենրիխ Մխիթարյանի գոլային փոխանցումը նպաստեց «Մանչեսթեր Յունայթեդի» հաղթանակին

22:11   19 փետրվարի, 2017

«Մանչեսթեր Յունայթեդը» նվաճեց Անգլիայի գավաթի խաղարկության քառորդ եզրափակիչի ուղեգիր: Պորտուգալացի Ժոզե Մոուրինյոյի գլխավորած թիմը 1/8 եզրափակիչի խաղում հյուրընկալվեց «Բլեքբերն Ռովերսին» եւ տարավ կամային հաղթանակ՝ 2:1:

17-րդ րոպեին հաշիվը բացեց դաշտի տերերի անգլիացի կիսապաշտպան Դենի Գրեհեմը: 10 րոպե անց «Մանչեսթեր Յունայթեդի» անգլիացի հարձակվող Մարկուս Ռեշֆորդն օգտվեց Հայաստանի հավաքականի կիսապաշտպան Հենրիխ Մխիթարյանի տպավորիչ փոխանցումից եւ վերականգնեց հավասարությունը: 62-րդ րոպեին փոխարինման դուրս եկան շվեդ հարձակվող Զլատան Իբրահիմովիչն ու ֆրանսիացի կիսապաշտպան Պոլ Պոգբան: 75-րդ րոպեին Պոգբայի փոխանցումից հետո Իբրահիմովիչը խփեց հյուրերի հաղթական գոլը: Մխիթարյանն անցկացրեց ամբողջ հանդիպումը:

Անգլիայի Գավաթ, 1/8 եզրափակիչ

«Բլեքբերն Ռովերս» - «Մանչեսթեր Յունայթեդ»՝ 1:2

Դենի Գրեհեմ, 17 - Մարկուս Ռեշֆորդ, 27, Զլատան Իբրահիմովիչ, 75

 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։