Նիկիտա Սիմոնյան. Ապագայիս վերաբերյալ ոչինչ ասել չեմ կարող
09:51 14 հուլիսի, 2012Իմ ապագայի վերաբերյալ ոչինչ ասել չեմ կարող, հայտարարել է Ռուսաստանի ֆուտբոլային միության (ՌՖՄ) նախագահի պաշտոնակատար Նիկիտա Սիմոնյանը՝ մեկնաբանելով ՌՖՄ-ի նոր նախագահի ընտրությունները:
«Հիմա մենք ստանում ենք նոր նախագահի թեկնածուների փաստաթղթերը: Մինչեւ այսօր պաշտոնական հայտ է ներկայացրել միայն Պետդումայի փոխնախագահ Իգոր Լեբեդեւը: Մենք սպասում ենք մյուս թեկնածուների հայտերին: Լսել եմ, որ հավակնորդների թվում են Եվգենի Լովչեւն ու Նիկոլայ Տոլստիխը: Ինչ վերաբերվում է իմ ապագային, դեռ ոչինչ ասել չեմ կարող: Պետք է մտածեմ՝ կշարունակեմ աշխատանքս Ռուսաստանի ֆուտբոլային միությունում նոր նախագահի ընտրություններից հետո, թե՝ ոչ:
Կապելոյի հետ բանակցությունները հաջող են ընթացել: Նրա ներկայացրած ծրագիրը համապատասխանում է Ռուսաստանի հավաքականի պահանջներին եւ կարող է խթան հանդիսանալ ռուսական ֆուտբոլի զարգացմանը: Թիմին խաղերին նախապատրաստելուց բացի Կապելոն կզբաղվի նոր կադրեր պատրաստելու գործով: Անձամբ ես կարծում եմ, որ նոր մարզիչի ընտրությունը ձգձգվում է: Նոր գլխավոր մարզիչի հետ պայմանագիր կնքելու մասին կհայտարարենք հաջորդ շաբաթ»,- 85-ամյա Նիկիտա Սիմոնյանի խոսքը փոխանցում է Ռուսաստանի Սպորտի նախարարության պաշտոնական կայքը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.