Յարոմիր Յագրը՝ NHL-ի պատմության երկրորդ ամենաարդյունավետ խաղացող
16:07 16 փետրվարի, 2017«Ֆլորիդայի» չեխ հոկեյիստ Յարոմիր Յագրը 1900-րդ միավորն է վաստակել կարիերայում։ 45-ամյա Յագրը դարձել է Հոկեյի ազգային լիգայի (NHL) պատմության երկրորդ ամենաարդյունավետ խաղացողը։ Այդ ցուցանիշով նրան գերազանցում է միայն կանադացի լեգենդար հոկեյիստ Ուեյն Գրետցկին, որը հավաքել է 2857 միավոր։
1900-րդ միավորը Յարոմիր Յագրը վաստակել է «Սան Խոսեի» դեմ նախօրեին կայացած խաղում, որում կատարել է գոլային փոխանցում։
Յարոմիր Յագրը NHL-ում նորամուտը նշել է 1990-ին։ Նրա առաջին ակումբն էր «Պիտսբուրգը», որի կազմում չեխ հոկեյիստն անցկացրել է 11 մրցաշրջան եւ 2 անգամ հաղթել Սթենլիի Գավաթում (1991, 1992)։ Յագրը խաղացել է նաեւ «Վաշինգտոնում», «Նյու Յորքում», «Ֆիլադելֆիայում», «Դալասում», «Բոստոնում» եւ «Նյու Ջերսիում»։ Անցկացրած 23 մրցաշրջաններում նա մասնակցել է 1683 խաղի՝ հավաքելով 1900 (759+1141) միավոր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։