Զիդանը՝ Ինսինյեի գեղեցիկ գոլի մասին. Ֆուտբոլն այդպիսին է

Մադրիդի «Ռեալի» ֆրանսիացի գլխավոր մարզիչ Զինեդին Զիդանը մեկնաբանել է Չեմպիոնների լիգայի 1/8 եզրափակիչի առաջին խաղում իտալական «Նապոլիի» նկատմամբ 3:1 հաշվով հաղթանակը:

«Սկզբնամասում բաց թողած գոլը մի քիչ խառնեց մեր ծրագրերը, սակայն մենք վերադարձրինք խաղի վերահսկումը եւ խփեցինք պատասխան գոլը: «Նապոլիի» գոլի մասին կասեմ, որ ֆուտբոլն այդպիսին է: Դու կարող ես ցուցադրել հրաշալի ֆուտբոլ, խաղալ իսկական թիմի պես, բայց մրցակիցը կանցկացնի գրոհ ու կխփի գոլ:

Կարծում եմ՝ խաղի հաշիվն արդարացի էր, սակայն դա բավական չէ հաջորդ փուլի ուղեգիր ապահովելու համար:

Ինչ վերաբերում է Սերխիո Ռամոսին փոխարինելուն, ապա նա հարված ստացավ ոտքին եւ ուներ դեղին քարտ, այդ պատճառով որոշեցինք ռիսկի չդիմել»,- մարզիչի խոսքը մեջբերում է Football Espana-ն:

Հիշեցնենք, որ «Ռեալի» ու «Նապոլիի» միջեւ պատասխան հանդիպումը կկայանա մարտի 7-ին Նեապոլում: