Չեմպիոնների լիգայի 1/8 եզրափակիչի առաջին հանդիպումներում ֆրանսիական ՊՍԺ-ն Փարիզում ընդունեց կատալոնական «Բարսելոնային», պորտուգալական «Բենֆիկան» տանը մրցեց Դորտմունդի «Բորուսիայի» հետ:
ՊՍԺ-ն իսպանացի Ունաի Էմերիի գլխավորությամբ «Բարսելոնային» պարտության մատնեց 4:0 հաշվով: Երկու գեղեցիկ հարվածներով դուբլի հեղինակ դարձավ փարիզյան թիմի արգենտինացի կիսապաշտպան Անխել Դի Մարիան, որը փետրվարի 14-ին նշում է ծննդյան 29-րդ տարեդարձը: Մեկական անգամ էլ աչքի ընկան գերմանացի կիսապաշտպան Յուլիան Դրաքսլերը եւ ուրուգվայցի հարձակվող Էդինսոն Կավանին:
Պորտուգալական «Բենֆիկան» Լիսաբոնում նվազագույն հաշվով առավելության հասավ Թոմաս Տուխելի գլխավորած Դորտմունդի «Բորուսիայի» նկատմամբ:
Պատասխան հանդիպումները մարտի 8-ին են:
Չեմպիոնների լիգա. 1/8 եզրափակիչ, առաջին հանդիպում
ՊՍԺ (Ֆրանսիա) - «Բարսելոնա» (Իսպանիա)՝ 4:0
Անխել Դի Մարիա, 18, 55, Յուլիան Դրաքսլեր, 40, Էդինսոն Կավանի, 72
«Բենֆիկա» (Պորտուգալիա) - «Բորուսիա Դորտմունդ» (Գերմանիա)՝ 1:0
Կոնստանտինոս Միտրօգլու, 48
Չիրացրած 11մ՝ Պյեր-էմերիկ Օբամեյանգ, 58
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։