Մեսին 250 հազար դոլար է փոխանցել հայրենի քաղաքի ակումբին
13:12 14 փետրվարի, 2017«Բարսելոնայի» արգենտինացի հարձակվող Լիոնել Մեսին ֆինանսական աջակցություն է ցուցաբերել Բուենոս Այրեսի մոտակայքում գտնվող պատանեկան ակումբին:
Mundo Deportivo-ի համաձայն՝ Արգենտինայի հավաքականի ավագն ակումբին 4 միլիոն արգենտինական պեսո (մոտ 250 հազար դոլար) է տրամադրել մարզասրահը թարմացնելու եւ նոր մարզասարքեր ձեռք բերելու համար, որպեսզի իր հայրենի քաղաքի երեխաները մարզվեն այդտեղ:
«Մենք շատ շնորհակալ ենք Մեսիի հիմնադրամին, քանի որ մեծ աշխատանք է կատարվել այս տղաների համար: Սա մեծ ձեռքբերում է, քանի որ Լանուսում առաջին անգամ են կատարում այսպիսի մեծ ներդրում»,- ասել է Բուենոս Այրեսի մարզական քարտուղար Դամյեն Սալան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։