ԱՄՆ-ի թենիսի ասոցիացիան ներողություն է խնդրել Գերմանիայից Երրորդ Ռեյխի հիմնը կատարելու համար
16:24 12 փետրվարի, 2017ԱՄՆ-ի թենիսի ասոցիացիան ներողություն է խնդրել Ֆեդերացիայի գավաթի խաղարկության (կանանց աշխարհի ոչ պաշտոնական թիմային առաջնություն) քառորդ եզրափակիչի հանդիպումից առաջ Գերմանիայի ժամանակակից օրհներգի փոխարեն նացիստական Երրորդ Ռեյխի հիմնի մի հատված կատարելու համար, հաղորդում է ամերիկյան ասոցիացիայի պաշտոնական թվիթերյան էջը: Նշվում է, որ սխալը միտումնավոր չի եղել:
«Ներողություն ենք խնդրում Գերմանիայի թիմից եւ երկրպագուներից հին հիմնը միացնելու համար: Այս սխալը չի կրկնվի»,- նշվում է թվիթերյան հաղորդագրությունում:
Հավայան կղզիներում տեղի ունեցած հանդիպման առաջին մրցախաղում մրցել են գերմանացի Անդրեա Պետկովիչն ու ամերիկացի Էլիսոն Ռիսկեն (6:7 (8:10), 2:6): Նրանց կորտ դուրս գալուց առաջ էլ տեղի է ունեցել միջադեպը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։