Հենրիխ Մխիթարյանը «Մանչեսթեր Յունայթեդին» օգնեց հաղթանակ տանել
20:51 11 փետրվարի, 2017Ֆուտբոլի Անգլիայի առաջնության 25-րդ տուրում «Մանչեսթեր Յունայթեդը» սեփական դաշտում 2:0 հաշվով հաղթեց «Ուոթֆորդին»:
Հայաստանի հավաքականի կիսապաշտպան Հենրիխ Մխիթարյանը խաղը սկսել էր մանչեսթերցիների մեկնարկային կազմում եւ հանդես էր գալիս ենթահարձակվողի դիրքում: Առաջին խաղակեսում Ժոզե Մոուրինյոյի թիմը ստեղծեց մի շարք գոլային պահեր, սակայն խփեց միայն մեկ գոլ: Հաշիվը 32-րդ րոպեին բացեց իսպանացի կիսապաշտպան Խուան Մատան, որը եզրափակեց Հենրիխ Մխիթարյանի մասնակցությամբ գրոհը: Այդ գոլից րոպեներ առաջ իրական գոլային պահ կորցրեց Հենրիխ Մխիթարյանը, որը բավական ակտիվ էր եւ բարձր հարվածեց հարմար դիրքից:
Երկրորդ խաղակեսում «Մանչեսթեր Յունայթեդը» պահպանում էր խաղային առավելությունը եւ շուտով խփեց երկրորդ գոլը: 60-րդ րոպեին հաշիվը 2:0 դարձրեց Անտոնի Մարտիալը, որի խփած գոլի գրոհին մասնակցեց նաեւ Հենրիխ Մխիթրայնաը: Վերջնամասում Մխիթարյանը տեղափոխվեց կիսապաշտպանության աջ եզր, բայց շարունակում էր ամենաակտիվներից մեկը լինել խաղադաշտում: 87-րդ րոպեին Հենրիխը դրվագներից մեկում ստացավ շրթունքի պատռվածք եւ 2 րոպե անց փոխարինվեց:
Այս հաղթանակից հետո «Մանչեսթեր Յունայթեդը» շրջանցեց մեկ խաղ պակաս անցկացրած «Լիվերպուլին» եւ 48 միավորով բարձրացավ 5-րդ տեղ:
Անգլիայի առաջնություն, 25-րդ տուր
«Մանչեսթեր Յունայթեդ» - «Ուոթֆորդ»՝ 2:0
Խուան Մատա, 32, Անտոնի Մարտիալ, 60
«Միդլսբրո» - «Էվերտոն»՝ 0:0
«Սթոք Սիթի» - «Քրիսթալ Փելաս»՝ 1:0
Ջոյ Ալեն, 67
«Սանդերլենդ» - «Սաութհեմփթոն»՝ 0:4
Մանոլո Գաբիադինի, 30, 45, Ջեյսոն Դինեյեր, 89 (ինքնագոլ), Շեյն Լոնգ, 90+2
«Վեստ Հեմ» - «Վեստ Բրոմվիչ»՝ 2:2
Սոֆիան Ֆեգուլի, 63, Մանուել Լանզինի, 87 – Նասեր Շադլի, 6, Ջոնի Էվանս, 90+4
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.