Ժոզե Մոուրինյո․ Հենրիխ Մխիթարյանին կօգտագործեմ բոլոր դիրքերում, որտեղ կլինի անհրաժեշտություն

17:11   11 փետրվարի, 2017

«Մանչեսթեր Յունայթեդի» գլխավոր մարզիչ Ժոզե Մոուրինյոն խոսել է Հայաստանի հավաքականի կիսապաշտպան Հենրիխ Մխիթարյանի մասին։

«Մխիթարյանին կօգտագործեմ բոլոր դիրքերում, որտեղ կլինի անհրաժեշտություն: Ես նրան խաղացրել եմ նաեւ ձախ պաշտպանի դիրքում: Նա պատրաստ է։ Մխիթարյանի մտածելակերպը եւ մոտեցումը փոխվել են, իսկ ֆուտբոլային դերը՝ ոչ։ Նա պատրաստ է խաղալ մեզ համար»,- Մոուրինյոյի խոսքը մեջբերում է Manchester Evening-ը։

Հիշեցնենք, որ «Լեսթեր» դեմ Անգլիայի առաջնության նախորդ տուրի խաղի ընթացքում Մոուրինյոն փոխեց Մխիթարյանի խաղային դիրքը։ Հայ ֆուտբոլիստը կիսապաշտպանության եզրից տեղափոխվեց ենթահարձակվողի դիրք եւ դարձավ գեղեցիկ գոլի ու գոլային փոխանցման հեղինակ։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.