Հայ ըմբիշների վարկանիշները

Ըմբշամարտի միջազգային ֆեդերացիան ներկայացրել է հունահռոմեական ոճի ըմբիշների թարմացրած վարկանիշները:

Ռիո-2016-ի օլիմպիական չեմպիոն Արթուր Ալեքսանյանը գլխավորում է 98 կգ քաշայինների աղյուսակը:

Ռիո-2016-ի փոխչեմպիոն Միհրան Հարությունյանը երկրորդն է 66 կգ քաշային կարգում եւ շարունակում է հետ մնալ միայն սերբ Դավոր Շտեֆանեկից, որն Օլիմպիական խաղերի եզրափակիչում հայ ըմբիշին հաղթել էր կողմնակալ մրցավարության շնորհիվ:

Եվրոպայի 2016թ. չեմպիոն Վարշամ Բորանյանը 8-րդն է 71 կգ քաշային կարգում: 75 կգ քաշային կարգում Արսեն Ջուլֆալակյանը 13-րդ տեղում է, իսկ Կարապետ Չալյանը 14-րդն է: 80 կգ քաշային Էդուարդ Սարգսյանը 17-րդն է, իսկ վերջերս Փարիզի մրցաշարում հաղթած Մաքսիմ Մանուկյանը 14-րդն է 85 կգ քաշային կարգում: