«Փյունիկի» նախկին հարձակվողը Մալթայում հանդես կգա «Միկայի» եւ «Բանանցի» նախկին մարզիչի ղեկավարությամբ

20:28   10 փետրվարի, 2017

Երեւանի «Փյունիկի» նախկին հարձակվող Սեսար Ռոմերոն կարիերան կշարունակի Մալթայում: 27-ամյա մեքսիկացի ֆուտբոլիստը համալրել է այդ երկրի առաջնության հետնապահ «Մոստա» ակումբը, հաղորդում է Transfermarkt-ը: 2014-2015 թվականների Հայաստանի առաջնությունում Ռոմերոն ու Գյումրիի «Շիրակի» նախկին հարձակվող Ժան-Ժակ Բուգուին խփել էին 21-ական գոլ՝ դառնալով լավագույն ռմբարկուներ:

Մալթայի «Մոստան» այժմ գլխավորում է Երեւանի «Միկայի» եւ «Բանանցի» նախկին գլխավոր մարզիչ, սլովակ Ժոլտ Հորնյակը:

Մալթայի առաջնության 21-րդ տուրից հետո «Մոստան» 13 միավորով վերջին տեղում է:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։