Հոլիվուդյան հայտնի դերասան Քիտ Միդլբրուկը թվիթերյան էջում հայտնել է, որ պրոֆեսիոնալ բռնցքամարտի 5 քաշային կարգերում աշխարհի նախկին չեմպիոն Ֆլոյդ Մեյվեզեր կրտսերը (49–0, 26 նոկաուտ) մենամարտ է անցկացնելու ղազախ Գենադի Գոլովկինի (36-0, 33 նոկաուտ) հետ:
«Ես պաշտոնապես հայտնում եմ, որ Մեյվեզերը մենամարտելու է Գենադի Գոլովկինի հետ: Դուք այդ մասին առաջինը կլսեք այստեղ: Մենամարտը կանցկացվի 67,59 կգ քաշային կարգում եւ տեղի կունենա 2017-ի հունիսին Լաս Վեգասում»,- հայտնել է դերասանը:
Հիշեցնենք, որ 39-ամյա Մեյվեզերը բռնցքամարտիկի կարիերան ավարտել էր 2015 թվականի սեպտեմբերին: Գենադի Գոլովկինին են պատկանում միջին քաշային կարգում WBA (Super), IBO, WBC եւ IBF վարկածներով չեմպիոնական գոտիները:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։