«Աթլետիկոյի» նախագահ. «Մանչեսթեր Յունայթեդը» փոքր ակումբ է Գրիզմանի համար
19:16 8 փետրվարի, 2017«Մանչեսթեր Յունայթեդը» փոքր ակումբ է Գրիզմանի համար, ասել է Մադրիդի «Աթլետիկոյի» նախագահ Էնրիկե Սերեսոն՝ խոսելով իսպանական թիմի ֆրանսիացի հարձակվողի հնարավոր հեռանալու մասին։
«Ես հավատում եմ պայմանագրերին, որոնք ստորագրել են ինձ հետ այդ մարդիկ։ Խոսքը Դիեգո Սիմեոնեի եւ Անտուան Գրիզմանի մասին է։
Ժամանակին ես Ագուերոյին ապուշ էի ասել, բայց դա այդպես չէ։ Սերխիոն ֆուտբոլի պատմության լավագույն խաղացողներից մեկն է։ Ես պարզապես մեր թիմից Ագուերոյի հեռանալու որոշումը որակել էի չմտածված։ Նա գերազանց ֆուտբոլիստ է, լավ ընկեր, որին միայն հաջողություն եմ մաղթում «Մանչեսթեր Սիթիում» եւ միջազգային խաղերում»,- Էնրիկե Սերեսոյի խոսքը մեջբերում է Marca-ն։
Իսպանական եւ բրիտանական մամուլը գրել էր, որ Անտուան Գրիզմանը համաձայնության է հասել «Մանչեսթեր Յունայթեդի» հետ եւ ամռանը կտեղափոխվի Անգլիա։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.