«Լեսթեր Սիթին» աջակցություն է հայտնել Կլաուդիո Ռանյերիին
19:11 7 փետրվարի, 2017Ֆուտբոլի Անգլիայի չեմպիոն «Լեսթեր Սիթիի» ղեկավարությունը պաշտոնական հայտարարությամբ աջակցություն է հայտնել թիմի իտալացի գլխավոր մարզիչ Կլաուդիո Ռանյերիին:
«Վերջին խոսակցությունների հետ կապված ցանկանում ենք հայտնել, որ ակումբը ամբողջովին վստահում եւ աջակցում է թիմի գլխավոր մարզիչին: Ակումբի յուրաքանչյուր անդամ հասկանում է, որ անհրաժեշտ է բարելավել արդյունքները, բայց նախորդ տարիների մեր անհավանական հաջողությունները կապված են կայունության, միասնության եւ խնդիրները հաղթահարելու ձգտման հետ: Ակումբի բոլոր անդամներն աջակցում են եւ կշարունակեն աջակցել մարզիչին եւ խաղացողներին: Մենք միասին կենտրոնացած ենք մեր խնդիրների լուծման վրա»,- ասվում է «Լեսթերի» հայտարարությունում:
Բրիտանական մամուլը գրել էր, թե ակումբի ղեկավարությունը մտադիր է հեռացնել աշխատանքից Ռանյերիին, քանի որ ակումբը Պրեմյեր լիգայից դուրս մնալու վտանգի տակ է: 24 տուրից հետո թիմը 21 միավորով 16-րդ տեղում է եւ դուրս մնալուց գոտուց առաջ է 1-2 միավոր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.