Դենիս Ռոդմանը դատապարտվել է 3 տարվա պայմանական ազատազրկման
14:14 7 փետրվարի, 2017Ամերիկացի լեգենդար բասկետբոլիստ Դենիս Ռոդմանը 3 տարվա պայմանական ազատազրկման է դատապարտվել երթեւեկության կանոնները խախտելու եւ ավտոպատահարի մեջ մեղավոր լինելու համար, գրում է ESPN-ը:
NBA-ի հնգակի չեմպիոնը ներկա է եղել դատական նիստին եւ ընդունել է իր մեղավորությունը: Միջադեպը տեղի էր ունեցել 2016-ի ամռանը Կալիֆորնիայում: 55-ամյա Ռոդմանի մեքենան դուրս էր եկել ճանապարհի հանդիպակաց գոտի, ինչի պատճառով դիմացից եկող մեքենան կտրուկ փոխել էր ուղղությունը եւ վթարի ենթարկվել:
Դենիս Ռոդմանը բասկետբոլիստի կարիերան ավարտել է 2006-ին: Նա խաղացել է «Դետրոյտում», «Սան Անտոնիոյում», «Չիկագոյում», «Լեյքերսում» եւ «Դալասում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։