Աղասի Աղասյանն ավարտում է կարիերան. Թքած ունեմ այն մարդկանց վրա, ովքեր իմ կոշիկներից էժան են
19:31 4 փետրվարի, 2017Հայաստանի առաջատար ծանրորդներից Աղասի Աղասյանը հայտարարել է կարիերան ավարտելու մասին: Երեւանի Օլիմպիական հերթափոխի մարզական քոլեջում անցկացվող ծանրամարտի տղամարդկանց Հայաստանի առաջնության 94 կգ քաշային կարգում Աղասյանը երկամարտի 344 կգ արդյունքով գրավել է երկրորդ տեղը՝ զիջելով Կարուշ Ղուկասյանին (350 կգ):
Հատկանշական է, որ Աղասի Աղասյանը չի կարողացել մասնակցել իր՝ 85 կգ քաշային կարգի մրցմանը, քանի որ նրա քաշը 400 գրամ ավելի է եղել: Վերջին մոտեցումից հետո ծանրորդը հանել է մարզակոշիկներն ու թողել մրցահարթակի վրա, իսկ պարգեւատրության արարողությանը չի ներկայացել:
«Ես հեռանում եմ սպորտից բարձր ճակատով: Թքած ունեմ այն մարդկանց վրա, ովքեր իմ կոշիկներից էժան են»,- ֆեյսբուքյան էջում գրել է Աղասի Աղասյանը:
Հիշեցնենք, որ Աղասի Աղասյանը չէր մեկնել Ռիո-2016 Օլիմպիական խաղերին, որի 85 կգ քաշային կարգում Հայաստանը ներկայացրած Առաքել Միրզոյանը զրո էր ստացել: Վերջին տարիներին Աղասի Աղասյանը գրանցում էր ավելի լավ արդյունքներ, քան Առաքել Միրզոյանը: Դրանից հետո Աղասին հայտարարել էր, որ հայկական ծանրամարտում տիրում է անարդարություն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.