Վիգեն Խաչատրյան. Տղաների բարձրացրած կիլոգրամները մեծահասակների հավաքականի համար գոհացուցիչ չեն
19:55 3 փետրվարի, 2017Ծանրամարտի տղամարդկանց Հայաստանի հավաքականի մարզիչ Վիգեն Խաչատրյանին չեն գոհացնում 69 եւ 77 կգ քաշայինների արդյունքները Հայաստանի առաջնությունում, որն այս օրերին շարունակվում է Երեւանի Օլիմպիական հերթափոխի մարզական քոլեջում։
«Տղաների բարձրացրած կիլոգրամները մեծահասակների հավաքականի համար գոհացուցիչ չեն։ Բայց կան հանգամանքներ ու պետք է հաշվի առնել, որ Հայաստանի առաջնության մասնակիցները երիտասարդ են ու արդյունքները բարձրացնելու ներուժ ունեն։ Օրինակ՝ Ժորժ Եղիկյանը նոր է զորացրվել եւ դեռ չէր հասցրել լիարժեք մարզավիճակ հավաքել։
Խնդիրներ ունենք նաեւ 69 կգ քաշային կարգում։ Մեր առաջատար Վանիկ Ավետիսյանն ուսի վնասվածքից հետո 10 օր է մարզվում, նա նույնպես քիչ կիլոգրամներ բարձրացրեց։ Բայց դեռ ժամանակ կա եւ կարծում եմ՝ նա իրեն կարդարացնի»,- ամփոփեց Վիգեն Խաչատրյանը։
69 կգ քաշայինների Հայաստանի չեմպիոն ճանաչվեց 2014թ. Եվրոպայի փոխչեմպիոն Վանիկ Ավետիսյանը՝ 291 կգ երկամարտի արդյունքով (126 + 165)։
77 կգ քաշայինների պայքարում հավասարը չունեցավ 2016թ. Հայաստանի չեմպիոն Ժորժ Եղիկյանը՝ 302 կգ երկամարտի արդյունքով (137 + 165):
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.