Ֆրանսիան՝ հանդբոլի աշխարհի չեմպիոն

Ֆրանսիայում ավարտված հանդբոլի տղամարդկանց 2017թ. աշխարհի առաջնության չեմպիոնի տիտղոսը նվաճեցին տանտերերը:

Եզրափակիչում Ֆրանսիայի հավաքականը 33:26 հաշվով վստահ հաղթանակ տարավ նորվեգացիների նկատմամբ: Բրոնզե մեդալակիր դարձավ Սլովենիայի հավաքականը, որը երրորդ տեղի համար խաղում 31:30 հաշվով հաղթեց խորվաթներին:

Ֆրանսիայի հավաքականը պաշտպանեց 2 տարի առաջ Քաթարում նվաճած աշխարհի չեմպիոնի տիտղոսը եւ 6-րդ անգամ հաղթեց աշխարհի առաջնությունում:

Հիշեցնենք, որ Ռիո-2016 Օլիմպիական խաղերի հաղթող Դանիայի հավաքականը 1/8 եզրափակիչում պարտվել էր Հունգարիային, որին հաջորդ փուլում հաղթել էր Նորվեգիայի թիմը: