UEFA Futsal Euro. Հայաստանի թիմը վճռական խաղում պարտվեց եւ դուրս մնաց պայքարից

21:37   29 հունվարի, 2017

Ֆուտզալի Հայաստանի հավաքականը չկարողացավ նվաճել Եվրոպայի առաջնության հիմնական խմբային փուլի ուղեգիր: Երկու հաղթանակներից հետո Հայաստանի թիմը վճռական խաղում 1:4 հաշվով պարտություն կրեց C խմբի մրցաշարի կազմակերպիչ Լատվիայի հավաքականից եւ խմբում գրավեց երկրորդ տեղը՝ զրկվելով պայքարը շարունակելու հնարավորությունից: Խմբում առաջին տեղ գրավեց եւ հաջորդ փուլի ուղեգիր նվաճեց Լատվիայի թիմը:

Հիշեցնենք, որ Հայաստանի հավաքականն առաջին խաղում 5:3 հաշվով հաղթել էր Գերմանիայի թիմին, երկրորդ խաղում 5:1 հաշվով պարտության էր մատնել էստոնացիներին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։