Australian Open. Ֆեդերերը եզրափակիչում է
16:03 26 հունվարի, 2017Աշխարհի նախկին առաջին ռակետ Ռոջեր Ֆեդերերը դարձավ թենիսի Ավստրալիայի բաց առաջնության եզրափակիչի առաջին մասնակիցը:
Կիսաեզրափակիչում 35-ամյա շվեյցարացին 5 սեթում դժվարին հաղթանակ տարավ իր հայրենակից Ստեն Վավրինկայի նկատմամբ: Առաջին 2 սեթերում հաղթեց Ֆեդերերը, սակայն հաջորդ 2 սեթերում Վավրինկան հավասարեցրեց հաշիվը: Վերջին սեթում ուժեղ գտնվեց «Մեծ սաղավարտի» մրցաշարերի 17-ակի հաղթողը՝ 7:5, 6:3, 1:6, 4:6, 6:3: Մրցախաղը տեւեց 3 ժամ 4 րոպե:
Ֆեդերերը 6-րդ անգամ կխաղա Australian Open-ի եզրափակիչում: Բացի այդ, նա 28-րդ անգամ նվաճեց «Մեծ սաղավարտի» մրցաշարերի եզրափակիչի ուղեգիր:
Մյուս կիսաեզրափակիչում հունվարի 27-ին կանդիպեն Ռաֆայել Նադալը (Իսպանիա) եւ Գրիգոր Դիմիտրովը (Բուլղարիա):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։