Մադրիդի «Ռեալի» ֆրանսիացի գլխավոր մարզիչ Զինեդին Զիդանը «Սելտայի» դեմ Իսպանիայի գավաթի խաղարկության քառորդ եզրափակիչի պատասխան հանդիպումից առաջ զարմանք է արտահայտել թիմի հասցեին հնչող սուր քննադատության վերաբերյալ:
«Զարմանում եմ, երբ լսում եմ բոլոր քննադատությունները: Այնպես են մեզ քննադատում, կարծես՝ վերջին տեղում ենք: Թիմն այժմ լավ ֆիզիկական վիճակում է եւ կշարունակենք համառ աշխատանքը մինչեւ մրցաշրջանի ավարտը: Ոչ մի անհանգստություն չունեմ: Առաջիկա հանդիպումը կլինի քննադատներին պատասխանելու հնարավորություն:
Գիտենք, որ ծանր է լինելու, քանի որ առաջին խաղում պարտվել ենք: Կունենանք առաջին հանդիպման սխալները շտկելու հնարավորություն»,- Զիդանի խոսքը մեջբերում է Marca-ն:
«Սելտա» - «Ռեալ» հանդիպումը հունվարի 25-ին է։
Մադրիդում տեղի ունեցած առաջին խաղում «Ռեալը» պարտվել է 1։2 հաշվով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։