«Հալ Սիթիի» ֆուտբոլիստը գանգոսկրի կոտրվածք է ստացել «Չելսիի» դեմ խաղում (ֆոտոշարք)
10:12 23 հունվարի, 2017«Հալ Սիթիի» անգլիացի կիսապաշտպան Ռայան Մեյսոնը գանգոսկրի կոտրվածք է ստացել «Չելսիի» դեմ Անգլիայի առաջնության 22-րդ տուրի խաղում: 25-ամյա ֆուտբոլիստի մոտ կասկածվում է նաեւ ուղեղի արյունահոսություն: Այժմ Մեյսոնը գտնվում է հիվանդանոցում, գրում է Daily Mail-ը:
Լոնդոնում կայացած խաղի 12-րդ րոպեին անգլիացի կիսապաշտպանը մրցակցի տուգանային հրապարակում գլխով բախվել էր «Չելսիի» պաշտպան Գերի Կեհիլի գլխին: Կեհիլը բավական արագ էր ուշքի եկել, իսկ Մեյսոնին մոտ 5 րոպե բուժօգնություն էին ցուցաբերում խաղադաշտում, որից նրան դուրս էին բերել պատգարակով եւ թթվածնային դիմակով:
Ռայան Մեյսոնն այս մրցաշրջանից առաջ «Տոտենհեմից» է տեղափոխվել «Հալ Սիթի»: Նա մեկ հանդիպում է անցկացրել Անգլիայի ազգային հավաքականի կազմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։