«Մանչեսթեր Յունայթեդի» մամուլի ծառայությունը տեսանյութ է հրապարակել Հայաստանի հավաքականի կիսապաշտպան Հենրիխ Մխիթարյանի ծննդյան 28-րդ տարեդարձի առթիվ:
«Հենրիխ Մխիթարյան. օրվա հոբելյայրն ու Հայաստանի հերոսը»,- տեսանյութը վերնագրել է անգլիական ակումբի ֆեյսբուքյան էջը:
Հիշեցնենք, որ Մխիթարյանը Հայաստանի հավաքականի պատմության լավագույն ռմբարկուն է եւ 61 խաղում դարձել 19 գոլի հեղինակ: Հենրիխը 7 անգամ եւ վերջին 6 տարիներին ճանաչվել է Հայաստանի լավագույն ֆուտբոլիստ, իսկ «Մանչեսթեր Յունայթեդին» այս մրցաշրջանից առաջ միացել է Դորտմունդի «Բորուսիայից»: Նրա ծննդյան օրը՝ հունվարի 21-ին, Ժոզե Մոուրինյոյի թիմը Անգլիայի առաջնության 22-րդ տուրում արտագնա հանդիպում կանցկացնի «Սթոք Սիթիի» հետ:
«Սթոք Սիթի» - «Մանչեսթեր Յունայթեդ» խաղը կկայանա հունվարի 21-ին եւ կսկսվի Երեւանի ժամանակով 19:00-ին:
Հենրիխ Մխիթարյանի ծննդյան տարեդարձը շնորհավորել են նաեւ երկրպագուներ ամբողջ աշխարհից
Մխիթարյանին շնորհավորել է նաեւ Goal.com հեղինակավոր կայքը
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։