Օլիմպիական փոխչեմպիոն Արմեն Մկրտչյանը՝ ազատ ոճի ըմբշամարտի Հայաստանի հավաքականի գլխավոր մարզիչ
15:33 21 հունվարի, 2017Ատլանտայի 1996թ. Օլիմպիական խաղերի փոխչեմպիոն Արմեն Մկրտչյանը նշանակվել է ազատ ոճի ըմբշամարտի Հայաստանի հավաքականի գլխավոր մարզիչ:
Այդ պաշտոնում 43-ամյա Մկրտչյանը կփոխարինի Արայիկ Բաղդադյանին: Մասնագետը Հայաստան է վերադարձել ՀԱՕԿ-ի նախագահ Գագիկ Ծառուկյանի հրավերով, հայտնում են Հայաստանի ըմբշամարտի ֆեդերացիայից:
Հիշեցնենք, որ Արայիկ Բաղդադյանի գլխավորությամբ Հայաստանի հավաքականն այս օրերին մասնակցում էր Իրան Մաշհադ քաղաքում անցկացվող Թախտիի գավաթի խաղարկությանը եւ 16 թիմերի պայքարում գրավեց երկրորդ տեղը՝ զիջելով միայն Իրանի թիմին:
Արմեն Մկրտչյանը 2002-ին ընտանիքի հետ տեղափոխվել էր Գերմանիա: Նա ու հունահռոմեական ոճի ըմբշամարտի օլիմպիական չեմպիոն Արմեն Նազարյանն անկախ Հայաստանի առաջին օլիմպիական մեդալակիրներն են:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։