«Մանչեսթեր Յունայթեդը» շնորհավորել է Հենրիխ Մխիթարյանին (ֆոտո)
12:20 21 հունվարի, 2017«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը հունվարի 21-ին նշում է ծննդյան 28-րդ տարեդարձը: Այդ առթիվ անգլիական ակումբը շնորհավորել է հայ ֆուտբոլիստին:
«Եկեք Հենրիխ Մխիթարյանի համար առանձնահատուկ օրը նշենք 3 միավորով»,- նշված է «Մանչեսթեր Յունայթեդի» շնորհավորանքում:
Հիշեցնենք, որ Մխիթարյանը Հայաստանի հավաքականի պատմության լավագույն ռմբարկուն է եւ 61 խաղում դարձել 19 գոլի հեղինակ: Հենրիխը 7 անգամ եւ վերջին 6 տարիներին ճանաչվել է Հայաստանի լավագույն ֆուտբոլիստ, իսկ «Մանչեսթեր Յունայթեդին» այս մրցաշրջանից առաջ միացել է Դորտմունդի «Բորուսիայից»:
Հունվարի 21-ին Ժոզե Մոուրինյոյի թիմը Անգլիայի առաջնության 22-րդ տուրում արտագնա հանդիպում կանցկացնի «Սթոք Սիթիի» հետ: Բրիտանական հեղինակավոր պարբերականները ենթադրում են, որ Մխիթարյանը խաղը կսկսի մեկնարկային կազմում:
«Սթոք Սիթի» - «Մանչեսթեր Յունայթեդ» խաղը կկայանա հունվարի 21-ին եւ կսկսվի Երեւանի ժամանակով 19:00-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.