Կոնտե. Կոստան ցանկանում է մնալ «Չելսիում»
00:16 21 հունվարի, 2017Լոնդոնի «Չելսիի» իտալացի գլխավոր մարզիչ Անտոնիո Կոնտեն հայտարարել է, որ թիմի իսպանացի հարձակվող Դիեգո Կոստայի հետ տարաձայնությունները հաղթահարված են եւ արդեն հունվարի 22-ին նա կարող է մասնակցել «Հալ Սիթիի» դեմ Անգլիայի առաջնության հանդիպմանը:
«Կարծում եմ՝ Կոստան ցանկանում է մնալ այստեղ: Նա երջանիկ է խաղալ «Չելսիում»: Ոչ մի խնդիր չեմ տեսնում: Ամենակարեւորն այն է, որ նա մարզվում է թիմի հետ, նրա վնասվածքն անցյալում է»,- Կոնտեի խոսքը մեջբերում է Sky Sports-ը:
Բրիտանական մամուլի տվյալներով, Կոստան ու Կոնտեն վիճել էին, երբ ֆուտբոլիստը դժգոհել էր մեջքի ցավերից, իսկ բժիշկները եզրակացրել էին, թե ոչ մի խնդիր չկա: Անցած շաբաթ Կոստան բաց էր թողել երեք մարզում: Բացի այդ չինական ակումբներից մեկը գրավիչ առաջարկ էր արել ֆուտբոլիստին, սակայն «Չելսին» մերժել էր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։