Գեղամ Կադիմյանը՝ նոր թիմից առաջին տպավորությունների մասին
19:10 19 հունվարի, 2017Տեղափոխությունս Լուգանսկի «Զարյա» առաջընթաց քայլ է իմ կարիերայում, ասել է Հայաստանի հավաքականի հարձակվող Գեղամ Կադիմյանը:
«Կձգտեմ ուրախացնել երկրպագուներին իմ խաղով: Հաճելի հույզերս շատ են հիմա: Դրական եմ գնահատում տեղափոխությունս «Զարյա»: Ինձ շատ ջերմ ընդունեցին, ինչի համար շնորհակալ եմ տղաներին: Հավանեցի կոլեկտիվը: Այսպիսի թիմի հետ կարելի է հասնել հաջողությունների: Զրուցել եմ թիմի գլխավոր մարզիչ Յուրի Վերնիդուբի հետ: Նա շատ ջերմ ընդունեց ինձ: Շատ հաճելի է:
Իմ ընտանիքը միշտ հավանություն է տալիս իմ ընտրությանը: Բոլորը գիտեն «Զարյան», գիտեն, թե ինչ բարձր մակարդակի խաղ է ցուցադրում»,- Գեղամ Կադիմյանի խոսքը մեջբերել է ուկրաինական ակումբի պաշտոնական կայքը:
Հիշեցնենք, որ Լվովի «Կարպատներից» հեռացած 24-ամյա հայ ֆուտբոլիստը երկու տարվա պայմանագիր է կնքել «Զարյայի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։