Յուրա Մովսիսյան. Ռասիզմ կա նաեւ ԱՄՆ-ում
21:22 18 հունվարի, 2017Ամերիկյան «Ռեալ Սոլթ Լեյքում» հանդես եկող Մոսկվայի «Սպարտակի» եւ Հայաստանի հավաքականի նախկին ֆուտբոլիստ Յուրա Մովսիսյանը խոսել է ԱՄՆ-ում եւ Ռուսաստանում ռասիզմի դրսեւորումների մասին:
«Ռասիզմ կա նաեւ ԱՄՆ-ում, ամեն օր ենք բախվում դրան այստեղ: Չեմ կարծում, որ մեծ տարբերություն կա այդ հարցում ԱՄՆ-ի եւ Ռուսաստանի միջեւ: Տուրիստները կամ մեկնաբանները Ռուսաստանում ոչ մի ռասիզմ չեն նկատի: Գիտեմ, որ նախագահ Պուտինը կանի հնարավոր ամեն ինչ, որ այդպիսի միջադեպեր չլինեն: Ցավոք, ռասիզմ կա ամեն տեղ: Գերմանիայում եւ Իսպանիայում նույնպես տեսել եմ ռասիզմ»,- Յուրա Մովսիսյանի խոսքը մեջբերում է espnfc-ն:
Հիշեցնենք, որ 2017 թվականին Ռուսաստանը կընդունի Կոնֆեդերացիաների գավաթի խաղարկությունը, իսկ 2018-ին՝ աշխարհի առաջնությունը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։