Յուրա Մովսիսյան. Հուսով եմ՝ Հայաստանի հավաքականը կնվաճի ԱԱ-2018-ի ուղեգիր
11:30 18 հունվարի, 2017Ամերիկյան «Ռեալ Սոլթ Լեյքի» հարձակվող Յուրա Մովսիսյանը կարծիք է հայտնել, որ Ռուսաստանում կայանալիք ԱԱ-2018-ը լավագույնն է լինելու աշխարհի առաջնությունների պատմության մեջ:
«Ես գիտեմ ռուս ժողովրդին: Նրանք շատ բարեկամական են: Կարծում եմ՝ ԱԱ-2018-ը լավագույնը կլինի աշխարհի առաջնությունների պատմության մեջ: Ռուսաստանում ցանկանում են ապացուցել, որ ամեն բան այնքան էլ վատ չէ: Ռուսները ցանկանում են լինել լավագույնը եւ ծախսում են մեծ գումարներ: Այդ աշխարհի առաջնությունը կլինի ամենաանվտանգը: Շատերը հեռուստացույցի կամ համակարգչի առջեւ նստած հիմարություններ են խոսում Ռուսաստանի մասին՝ նույնիսկ մեկ անգամ չլինելով այդ երկրում:
Աշխարհի առաջնությանը կմասնակցեն իմ ընկերներից շատերը: Հուսով եմ, որ Հայաստանի հավաքականը եւս կնվաճի ուղեգիր»,- Յուրա Մովսիսյանի խոսքը մեջբերում է ESPN FC-ը:
Հիշեցնենք, որ ՀՖՖ նախագահը վերջին շրջանում թույլ չի տալիս Յուրա Մովսիսյանին հրավիրել Հայաստանի հավաքական, որի կազմում նա խփել է 10 գոլ: 29-ամյա հարձակվողը Ռուսաստանում խաղացել է «Կրասնոդարի» (2011-2012) եւ Մոսկվայի «Սպարտակի» (2013-2016) կազմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։