Մրցաշրջանի երկրորդ կեսին պատրաստվող «Արարատը» շարունակում է համալրել կազմը:
Արդեն պայմանագրեր են ստորագրվել դարպասապահ Գոռ Էլյազյանի, կիսապաշտպաններ Դավիթ Գրիգորյանի եւ Արամ Հովսեփյանի, հարձակվողներ Արեգ Ազատյանի եւ Հովհաննես Հովհաննիսյանի հետ, հաղորդում է ակումբի պաշտոնական կայքը:
25-ամյա Գոռ Էլյազյանը հանդես է եկել «Իմպուլսում», «Միկայում», «Շիրակում» եւ «Կոտայքում»:
27-ամյա Դավիթ Գրիգորյանը նախկինում խաղացել է «Արարատում», իսկ նրա նախորդ թիմը «Միկան» էր:
25-ամյա Արամ Հովսեփյանը «Արարատ» է տեղափոխվել Հայաստանի գործող չեմպիոն «Ալաշկերտից»:
26-ամյա Արեգ Ազատյանը նույնպես պաշտպանել է «Արարատի» գույները: «Միկայում» եւ «Բանանցում» հանդես եկած ֆուտբոլիստի նախորդ ակումբն «Ալաշկերտն» էր:
Հայաստանի երիտասարդական հավաքականի եւ «Փյունիկի» նախկին ֆուտբոլիստ, 23-ամյա Հովհաննես Հովհաննիսյանը մինչեւ «Արարատ» տեղափոխվելը հանդես էր գալիս «Գանձասար-Կապանի» կազմում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։