Ֆլոյդ Մեյվեզերը Քոնոր Մաքգրեգորին 15 միլիոն է առաջարկել մեկ մենամարտի համար
14:05 12 հունվարի, 2017Պրոֆեսիոնալ բռնցքամարտի 5 քաշային կարգերում աշխարհի նախկին չեմպիոն Ֆլոյդ Մեյվեզեր կրտսերը (49–0, 26 նոկաուտ) հայտնել է UFC-ի չեմպիոն, խառը մենամարտերի իռլանդացի մարզիկ Քոնոր Մաքգրեգորի հետ մենամարտելու պատրաստակամություն, փոխանցում է ESPN-ը:
«Մենք պատրաստ ենք 15 միլիոն դոլար առաջարկել Մաքգրեգորին մեկ մենամարտի համար: Վստահ եմ, որ UFC-ում նա նույնիսկ 2 միլիոն չէր ստանում մեկ մենամարտի համար: Հիմա հասկանալի կդառնա, թե նա իրոք ցանկանում է մենամարտել ինձ հետ»,- ասել է 39-ամյա Մեյվեզերը, որը բռնցքամարտիկի կարիերան ավարտել էր 2015 թվականի սեպտեմբերին:
Հիշեցնենք, որ նախորդ տարի Քոնոր Մաքգրեգորը բռնցքամարտի լիցենզիա էր ստացել ԱՄՆ-ի Կալիֆորնիա նահանգում: Դրանից հետո իռլանդացի մարտիկը հայտարարել էր, որ պատրաստ է բռնցքամարտի կանոններով մենամարտ անցկացնել Ֆլոյդ Մեյվեզերի հետ 100 միլիոն դոլար եկումուտ ունենալու դեպքում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։