«Բենֆիկայի» մասնակցությամբ խաղի մրցավարը ստացել է մահվան սպառնալիք

10:55   9 հունվարի, 2017

«Վիտորիա Գիմարաեշ» - «Բենֆիկա» (0:2)  ֆուտբոլի Պորտուգալիայի առաջնության 16-րդ տուրի խաղի մրցավար Նունու Ալմեյդան հանդիպումից առաջ ստացել է մահվան սպառնալիքներով նամակներ, գրում է Record-ը:

Այդ առթիվ մրցավարը դիմել է ոստիկանությանն ու երկրի ֆուտբոլի ֆեդերացիային, ինչից հետո նրա մրցավարական բրիգադին մոտեցվել են լրացուցիչ անվտանգության աշխատակիցներ:

Սա առաջին դեպքը չէ, երբ Պորտուգալիայում մրցավարը ստանում է սպառնալիքներ: Ավելի վաղ նման նամակներ ստացել էր նաեւ «Սպորտինգի» եւ «Ֆեյրենսիի» միջեւ հունվարի 8-ին կայացած խաղի գլխավոր մրցավար Բրունու Էստեւեշը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։