Շումախերի բուժման նպատակով 3 տարում ծախսվել է 16 միլիոն եվրո
15:22 30 դեկտեմբերի, 2016Ֆորմուլա-1-ի յոթակի չեմպիոն Միխայել Շումախերի բուժման նպատակներով նրա ընտանիքը երեք տարում ծախսել է 16 միլիոն եվրո, հաղորդում է բրիտանական Mirror-ը։
2013թ. դեկտեմբերին ֆրանսիական Ալպերում ուղեղի ծանր վնասվածք ստանալուց եւ կոմայում հայտնվելուց հետո տնային պայմաններում վերականգնումը շարունակող Միխայել Շումախերի բուժման շաբաթական ծախսը 191 հազար եվրո է:
2014թ. սեպտեմբերին Շումախերը հիվանդանոցից տեղափոխվել է Շվեյցարիայում գտնվող իր առանձնատուն, որտեղ կահավորվել է փոքր կլինիկա 15 մասնագետների ներգրավմամբ։
Այս ընթացքում Շումախերի ընտանիքը վաճառել է անձնական ինքնաթիռը, Նորվեգիայում գտնվող առանձնատունը։ Շումախերի առողջական վիճակը գաղտնի է պահվում։ Սպասվում է, որ առաջիկայում նրա բուժման տարեկան ծախսերը կկազմեն մոտ 10 միլիոն եվրո: Ապաքինման վերաբերյալ կանխատեսումները լավատեսական չեն: Ֆորմուլա-1-ի յոթակի չեմպիոնի անձնական կարողությունը մոտ 700 միլիոն եվրո է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։