Դավիդ Յուրչենկո. Առայժմ դժվար է ասել, թե ինչ փոփոխություններ կլինեն «Անժիում»
20:50 29 դեկտեմբերի, 2016Մախաչկալայի «Անժիում» հանդես եկող հայկական ծագումով դարպասապահ Դավիդ Յուրչենկոն մեկնաբանել է ակումբի սեփականատիրոջ փոփոխությունից հետո թիմում ստեղծված վիճակը: Սուլեյման Քերիմովը ակումբը վաճառել է Օսման Կադիեւին: «Անժիից» հայտնել էին, որ թիմը կվաճառի առաջատար խաղացողներին:
«Մենք դեռ ծանոթ չենք նոր սեփականատիրոջը, չգիտենք՝ ինչ փոփոխություններ կլինեն: Առայժմ այս իրավիճակը չի քննարկվում ներսում: Տագնապ չկա, հանգիստ զրուցում ենք, հետաքրքրվում ենք, այս առիթով խոսակցություններ դեռ չկան: Այս պահին բոլորս արձակուրդում ենք, դեռ ժամանակ կա: Մինչեւ հաջորդ հավաքը հստակ կլինի, թե ինչ կփոխվի»,- Յուրչենկոյի խոսքը մեջբերում է rsport-ը:
Հիշեցնենք, որ «Անժիում» է հանդես գալիս նաեւ Հայաստանի հավաքականի կիսապաշտպան Կառլեն Մկրտչյանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։