Անա Իվանովիչն ավարտեց կարիերան
23:35 28 դեկտեմբերի, 2016Աշխարհի նախկին առաջին ռակետ, սերբ Անա Իվանովիչը հայտարարել է թենիսիստի կարիերան ավարտելու մասին:
«Ես որոշել եմ ավարտել կարիերաս պրոֆեսիոնալ թենիսում: Դա բարդ որոշում էր, բայց կան նաեւ դրական պահեր: Ես սկսել եմ զբաղվել թենիսով հինգ տարեկանից: Ծնողներս միշտ աջակցել են ինձ, նույնիսկ երբ դարձա առաջին ռակետ: Դա տեղի ունեցավ 2008-ին «Ռոլան Գարոսում»: Ես հասա այնպիսի բարձունքների, որոնց մասին նույնիսկ չէի երազել: Ես նվաճել եմ WTA-ի մրցաշարերի 15 տիտղոս, հաղթել եմ «Մեծ սաղավարտի» մրցաշարում, խաղացել եմ Ֆեդերացիայի Գավաթի հինգ եզրափակիչներում: Կասեի, որ դա վատ չէ հասարակ աղջկա համար Սերբիայից: Բայց ամեն մարզաձեւ պահանջում է գերազանց ֆիզիկական վիճակ: Ես մի քանի վնասվածք եմ ունեցել եւ արդեն չեմ կարող խաղալ այն բարձր ստանդարտներով»,- ֆեյսբուքյան էջում գրել է Անա Իվանովիչը:
Հիշեցնենք, որ սերբ մարզուհին ամուսնացել է «Մանչեսթեր Յունայթեդի» գերմանացի կիսապաշտպան Բաստիան Շվայնշտայգերի հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.