Լոնդոն-2012. Չինաստանի պատվիրակության թիվը նվազել է 240-ով
17:58 11 հուլիսի, 2012Լոնդոնի Օլիմպիական խաղերում Չինաստանը կներկայացնեն 396 մարզիկներ: Օլիմպիական խաղերի պատմության մեջ սա Չինաստանի երրորդ ցուցանիշն է: 2008թ. Պեկինի Օլիմպիական խաղերում չինական պատվիրակության կազմում ընդգրկված էին 693 մարզիկներ, իսկ Աթենք-2004-ում` 407 մարզիկներ:
Պեկինում չինացիները նվաճեցին 51 ոսկե մեդալ, Լոնդոնում հանդես կգան Պեկինի օլիմպիական չեմպիոններից 29-ը:
Ավստրալիայի հավաքականի կազմում հանդես կգան 410 մարզիկ, եւ սա վերջին 20 տարում ամենափոքր պատվիրակությունն է: Սիդնեյ-2000-ին մասնակցում էր 632 ավտստրալացի, հաղորդում է AFP-ն:
Առաջին անգամ ԱՄՆ-ի հավաքականում, որտեղ ընդգրկված է 530 մարզիկ, կանանց թիվը (269) գերազանցում է տղամարդկանց թիվը (261): Հավաքականի 228 մարզիկներ արդեն մասնակցել են նախորդ Օլիմպիական խաղերին, նրանցից 76-ը դարձել են օլիմպիական չեմպիոն, 124-ը նվաճել են մեդալներ, հաղորդում է AP-ն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։