Քաթարի մայրաքաղաք Դոհայում ընթացող արագ շախմատի աշխարհի առաջնության 10-րդ տուրում հայկական շախմատի առաջատար Լեւոն Արոնյանը սպիտակներով ոչ ոքի խաղաց աշխարհի չեմպիոն, նորվեգացի Մագնուս Կարլսենի հետ:
Արոնյանը 10 հնարավորից վաստակել է 7 միավոր (5 հաղթանակ, 1 պարտություն՝ ադրբեջանցի Շաքրիյար Մամեդյարովից, 4 ոչ ոքի):
7-ական միավոր ունեն նաեւ ուկրաինացի Անտոն Կորոբովը, ռուսաստանցի Ալեքսանդր Գրիշչուկը, հնդիկ Վիշվանաթան Անանդը, Մագնուս Կարլսենը եւ կուբանցի Լենիեր Դոմինգեսը:
Միաձնյա առաջատարը ուկրաինացի Վասիլի Իվանչուկն է՝ 8 միավոր: 7.5-ական միավոր ունեն Մամեդյարովն ու ռուսաստանցի Յան Նեպոմնյաշչին:
Հայաստանը ներկայացնում են նաեւ Վլադիմիր Հակոբյանը (6 միավոր) եւ Հրանտ Մելքումյանը (5.5):
Վերջին հինգ տուրերը կանցկացվեն դեկտեմբերի 28-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։