«Մանչեսթեր Սիթիի» եւ «Տոտենհեմի» կամային հաղթանակները
21:54 18 դեկտեմբերի, 2016Ֆուտբոլի Անգլիայի առաջնության 17-րդ տուրի կենտրոնական խաղում «Մանչեսթեր Սիթին» ընդունեց Լոնդոնի «Արսենալին» եւ գոլ բաց թողեց արդեն 5-րդ րոպեին: Աչքի ընկավ Թեո Ուոլքոթը: Երկրորդ խաղակեսում կատալոնացի Խոսեպ Գվարդիոլայի գլխավորած թիմը հասնել կամային հաղթանակի: Լոնդոնցիների դարպասը գրավեցին Լերոյ Սանեն եւ Ռահիմ Ստերլինգը: «Մանչեսթեր Սիթի» 36 միավորով ընթացիկ երկրորդ տեղում է եւ 2-ական միավոր է գերազանցում «Լիվերպուլին» ու «Արսենալին»: «Լիվերպուլը» 17-րդ տուրում կխաղա «Էվերտոնի» հետ:
Լոնդոնի «Տոտենհեմը» տանը մրցեց «Բարնլիի» հետ եւ նույնպես տարավ կամային հաղթանակ: Առաջին գոլ բաց թողնելուց հետո Մաուրիսիո Պոչետինոյի գլխավորած թիմին պարտությունից փրկեցին Դելե Ալին ու Դենի Ռոուզը: «Տոտենհեմը» 33 միավորով 5-րդ տեղում է: Առաջատար «Չելսին» ունի 43 միավոր:
Անգլիայի առաջնություն, 17-րդ տուր
«Մանչեսթեր Սիթի» - «Արսենալ»՝ 2:1
Լերոյ Սանե, 47, Ռահիմ Ստերլինգ, 71 - Թեո Ուոլքոթ, 5
«Տոտենհեմ» - «Բարնլի»՝ 2:1
Դելե Ալի, 27, Դենի Ռոուզ, 71 - Էշլի Բարնս, 21
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.