Մադրիդի «Ռեալն»՝ աշխարհի ակումբային չեմպիոն, Ռոնալդուն՝ հեթ-տրիկի հեղինակ

Մադրիդի «Ռեալը» նվաճեց աշխարհի ակումբային չեմպիոնի տիտղոսը՝ միայն լրացուցիչ ժամանակում կարողանալով առավելության հասնել ճապոնական «Կաշիմա Անտլերսի» նկատմամբ՝ 4:2:

Յոկոհամայի «Նիսան» ստադիոնում 68 հազար ֆուտբոլասերների ներկայությամբ տեղի ունեցած եզրափակիչում ֆրանսիացի Զինեդին Զիդանի գլխավորած թիմը հաշիվը բացեց արդեն 9-րդ րոպեին: Աչքի ընկավ ֆրանսիացի հարձակվող Քրիմ Բենզեման: Դրանից հետո ճապոնական թիմը Գակու Շիբասակիի դուբլի շնորհիվ կարողացավ հավասարեցնել եւ առաջ անցնել: 60-րդ րոպեին պորտուգալացի Կրիշտիանու Ռոնալդուն դիպուկ իրացրեց 11 մետրանոցը: 2:2 հաշիվը պահպանվեց մինչեւ հիմնական ժամանակի ավարտը: Լրացուցիչ ժամանակում Արքայական թիմին հաղթանակ բերեց Ռոնալդուն, որը եւս երկու գոլ խփեց:

Աշխարհի ակումբային առաջնություն, եզրափակիչ

«Ռեալ Մադրիդ» (Իսպանիա) - «Կաշիմա Անտլերս» (Ճապոնիա)՝ 4:2 (լրացուցիչ ժամանակ)

Քարիմ Բենզեմա, 9, Կրիշտիանու Ռոնալդու, 11մ, 60, 98, 104 - Գակու Շիբասակի, 44, 52