Ռուսաստանին զրկեցին աշխարհի առաջնությունից
23:44 13 դեկտեմբերի, 2016Բոբսլեյի եւ սկելետոնի միջազգային ֆեդերացիան որոշել է 2017թ. փետրվարին Սոչիում նախատեսված մարզաձեւի աշխարհի առաջնությունը տեղափոխել Ռուսաստանից այլ երկիր: Նոր մրցավայրի մասին որոշում կազմակերպությունը կընդունի առաջիկա օրերին:
«IBSF գործկոմը որոշել է, որ այս բարդ ժամանակահատվածում ողջամիտ չի լինի աշխարհի առաջնությունն անցկացնել Ռուսաստանում, որպեսզի թույլ տրվի բոլոր երկրների ներկայացուցիչներին մասնակցել մրցաշարին, որի ժամանակ առաջին տեղում կլինի սպորտը, այլ ոչ թե մեղադրանքներն ու վեճերը:
Երկրորդ պատճառն այն է, որ Ռուսաստանի բոբսլեյի ֆեդերացիան մեծ ջանքեր է գործադրել առաջնության կազմակերպման համար, սակայն այսօրվա պայմաններում գրեթե հնարավոր չէ գնահատել կազմակոմիտեի ջանքերն ու «Սանկի» մարզահամալիրի վիճակը»,- ասվում է միջազգային ֆեդերացիայի հայտարարությունում:
Ռուսաստանի աշխարհի առաջնությունը բոյկոտելու մասին հայտարարել էին ԱՄՆ-ն, Ավստրալիան, Հարավային Կորեան, Լատվիան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։