Լեգենդար Էվանդեր Հոլիֆիլդը ստացավ 2 չեմպիոնական գոտի
22:57 13 դեկտեմբերի, 2016Մայամիում տեղի ունեցած պրոֆեսիոնալ բռնցքամարտի WBC կազմակերպության կոնգրեսում լեգենդար բռնցքամարտիկ Էվանդեր Հոլիֆիլդը ստացել է երկու չեմպիոնական գոտի, հաղորդում է fightnews.com-ը:
Կազմակերպության նախագահ Մաուրիսիո Սուլեյմանը որոշել է շտկել պատմական թյուրիմացությունը, որի հետեւանքով սուպերծանր քաշային կարգում աշխարհի քառակի չեմպիոն Հոլիֆիլդը կարիերայի ընթացքում նվաճել էր WBC-ի միայն մեկ տիտղոս, թեեւ հաղթել էր կազմակերպության վարկածով երեք չեմպիոնների՝ Բաստեր Դագլասին, Ռիդիկ Բոուիին եւ Մայք Թայսոնին: Բոուին ու Թայսոնը մենամարտերից առաջ հրաժարվել էին գոտիներից, այդ պատճառով էլ Հոլիֆիլդին դրանք բաժին չէին հասել:
Գոտիները Հոլիֆիլդին հանձնել են նախկին չեմպիոններ Վիտալի Կլիչկոն ու Լենոկ Լյուիսը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։